Армянское Бюро путешествий

Туроператор по Армении. Лицензия в России — МВТ-003788

Լեռնային Ղարաբաղ - 3

Օր 1
Երևան – Խոր-Վիրապ - Նորավանք – Ջերմուկ

Ուղևորություն դեպի Արարատյան դաշտավայր: Այցելություն  հայ-թուրքական  սահմանից  ոչ հեռու, բիբլիական Արարատ  լեռան  լանջին  գտնվող  Խոր-Վիրապ վանական համալիր: Եկեղեցուց, որտեղ 13 տարի բանտարկված է եղել Հայ Առաքելական եկեղեցու առաջին կաթողիկոս Գրիգոր Լուսավորիչը, բացվում է հիանալի տեսարան դեպի աստվածաշնչյան  Արարատ  լեռը (5165մ.):

Ճանապարհը Վայոց Ձորի  մարզով տանում է դեպի գեղատեսիլ Գնիշիկ գետի կիրճ: Այստեղ է գտնվում Օրբելյան նշանավոր  իշխանական տան հոգևոր կենտրոնը` Նորավանքը (12-15դդ.), որտեղ  ապրել  և  բեղմնավոր  գործունեություն են ծավալել  հայ  միջնադարյան մշակույթի  նշանավոր գործիչները: Ճաշ:
 
Շրջայց  Ջերմուկում` Արփա գետը թափվող ջրվեժ, այցելություն  ջրերի ըմպելասրահ, տաք ջրերի  ակունք, զբոսանք  ազգային  հերոսներին  նվիրված արահետով:
Ընթրիք և գիշերակաց Ջերմուկում:

Օր  2
Ջերմուկ – Տաթև - Խնձորեսկ – Շուշի - Ստեփանակերտ

Ջերմուկից  Արփա գետի  հոսանքով, լեռնային ոլորաններով ճանապարհը  տանում է  դեպի Որոտանի  լեռնանցք ( 2344 մ.):  Անցնելով  Սյունիքի  խորհրդանշական  դարբասներով` իջնում  ենք  Սյունիքի մարզ: Հայաստանի ամենախորը  կիրճում` (500մ) Որոտանի  հովտում,  զբոսաշրջիկները  կտեսնեն   ստալակտիդային ծագման  Սատանի Կամուրջը: Ճաշ:

Ապա  անցնելով  նշանավոր  Հալիձորի  անտառներով` ճանապարհը  կտանի    անդնդախոր կիրճի եզերքին  կանգնած պատմական Սյունիք նահանգի  ամենամեծ հոգևոր  կենտրոն  Տաթևի  վանական  համալիր: Տաթևի վանական համալիրում անվանի  գիտնական Հովհան Որոտնեցու կողմից  1390թ.  բացվել է համալսարան, որը  գոյություն է ունեցել մինչև 15-րդ դար: Այն  18-րդ  դարում  աչքի է ընկել  որպես  թուրք-պարսկական  զավթիչների դեմ ուղղված ազատագրական պայքարի կենտրոն: Ճաշ:

Ուղևորություն դեպի Խնձորեսկ գյուղ: Այցելություն  քարանձավային «ՀԻն Խնձորեսկ»  քաղաք:
 
Ուղևորություն դեպի Լեռնային Ղարաբաղի  հանրապետություն: Էքսկուրսիա Թբիլիսիից և Բաքվից  հետո  Կովկասում հայ մշակույթի  խոշոր  կենտրոն  Շուշի  քաղաք: Այցելություն Շուշիի  Սուրբ  Ամենափրկիչ (Ղազանչեցոց) եկեղեցի:
Ընթրիք և  գիշերակաց  Ստեփանակերտում:

Օր 3
Ստեփանակերտ – Գանձասար – Ասկերան - Տիգրանակերտ - գ. Վանք

Ստեփանակերտից  ճանապարհը  տանում  է դեպի  Մարտակերտի  շրջան` Վանք գյուղ: Այստեղ`  Խաչենագետի  ձախ  ափին է գտնվում հայոց  կաթողիկոսների  նստավայրը` Գանձասարի  վանական  համալիրը (12-19 դդ): Գանձասարը  համարվում է  ոչ  միայն արցախահայերի նշանավոր  հոգևոր, մշակութային կարևոր օջախը, այլև  պարսկաթուրքական  զավթիչնեերի  դեմ  ուղղված  հայ ազգային-ազատագրական պայքարի  նշանավոր կենտրոն:

Այցելություն հայ ճարտարապետության յոթ  հրաշալիքներից մեկը համարվող  Սուրբ  Հովհաննես  եկեղեցի (13 դար):

Ուղևորություն դեպի Ասկերանի բերդ: Ամրակուռ պարիսպներով այս ամրոցը, որ երկու կողմից շրջապատված է Քարքար գետի հովտով, հնագույն ժամանակներից հայտնի է նաև Մայրաբերդ անունով և որպես ռազմական կարևոր հենակետ հանդես է գալիս 18-րդ դարից:

Մարտակերտի շրջանի հարավ-արևելյան մասում` Խաչենագետի աջ ափին է գտնվում  Ք.ա. 1-ին դարում  հայոց  Տիգրան Մեծ արքայի կառուցած  հռչակավոր Տիգրանակերտ  քաղաքը: Արցախի Տիգրանակերտի մասին հիշատակել են  7-րդ դարի պատմիչներ Սեբեոսը և Մովսես Կաղանկատվացին: Այն որպես բնակավայր գոյություն է ունեցել մինչև ուշ միջնադար և գտնվել է Խաչենի իշխանության  տարածքում։ Այս շրջանից Խաչենագետի ներքին հովիտը կոչվել է Տիգրանակերտի դաշտ, որը տեղացի ժողովրդի մոտ պահպանել էր «Տկռակերտ» անվանումը:
Ճաշ և գիշերակաց Ստեփանակերտում:

Օր 4
Գ. Վանք  – Դադիվանք – Ջերմաջուր – գ. Վանք

Ուղևորություն դեպի  Շահումյանի շրջան: Այցելություն Թարթառ (Տրտու) գետի ձախ ափին, Մռավ լեռան անտառապատ լանջին գտնվող Դադիվանք: Վանական համալիրը  կառուցվել է Ք.ա. I դարում  քրիստոնեական քարոզչության համար նահատակված Սուրբ Դադիի գերեզմանի տեղում։ V դարից հիշատակվում է որպես եպիսկոպոսանիստ։ Այստեղ է գտնվում Առանշահիկ իշխանական տան տոհմական տապանատունը։ Համալիրի ներկայիս պահպանված շենքերը պատկանում են XII-XIIIդդ.։ 

Վերադարձին կանգառ հանքային տաք ջրերով հարուստ Ջերմաջուրի մոտ: Հանգիստ բնության գրկում:
Վերադարձ Ստեփանակերտ: Ընթրիք և գիշերակաց Ստեփանակերտում:

Օր 5
Գ. Վանք – Ամարաս – Քարահունջ - Երևան

Ուղևորություն դեպի Մարտունու շրջան: Այցելություն  պատմական Արցախ նահանգի Մյուս Հաբանդ գավառում գտնվող  Ամարասի վանք: Համաձայն պատմական  տեղեկությունների   Գրիգոր Լուսավորիչը  IV-րդ  դարի սկգբին Ամարասում հիմնել է վանք, որի կառուցումն ավարտել է նրա թոռ Գրիգորիս եպիսկոպոսը։ V-րդ դարի սկզբին Մեսրոպ Մաշտոցն այստեղ հիմնել  է Արցախի առաջին դպրոցը:
 
Վերադարձին կանգառ Սիսիան  քաղաքից ոչ  հեռու գտնվող  բրոնզեդարյան  ժամանակաշրջանի (Ք.ա.  4 -2 հազ.) նշանավոր  հնավայր` Քարահունջի մոտ: Այստեղ   զբոսաշրջիկները  կարող են տեսնել  մեգալիթյան շրջանի հուշարձանները  և նախապատմական  աստղադիտարանը: Ճաշ:
Վերադարձ Երևան:

Գները ներառում են՝
• Տրանսպորտային ծառայություն
• Գիշերակաց հյուրանոցում
• Էքսկուրսավարի ծառայություն
• Մուտքի տոմսեր
• Սնունդ՝ նախաճաշ, ճաշ, ընթրիք
• ԱԱՀ
 
Գները չեն ներառում՝
• Ալկոհոլային խմիչքներ
• Հավելյալ սնունդ
• Մինի-բար

© Ճանապարհորդությունների Հայկական Բյուրո «Ա.Բ.Պ.» ՍՊԸ
Բոլոր իրավունքները պաշտպանված են